Aktivisti shqiptar në Amerikë, Uk Lushi, ka reaguar për shkarkimin e konsullit të Kosovës në Nju Jork, Lulzim Krasniqi gjatë ditës së djeshme.

Lushi e ka quajtur këtë vendim arbitrar, derisa ka thënë se pushteti ka të drejtë të transferojë apo edhe shkarkojë shërbyesit e shtetit, por as shteti dhe as tradita shqiptare nuk përligjin hedhjen në rrugë as të shërbyesve dhe as shtetasve pa u dhënë një kohë e nevojshme dhe arsyeshme.

Ai ka thënë se gjatë vizitës së saj në New York ia ka thënë edhe vetë Ministres Gërvalla se trajtimi jo i mirë i njerëzve të Kosovës reflekton keq për të si ministre, qeverinë dhe pushtetin.

Tutje Lushi ka folur për konsullin e shkarkuar duke thënë se Krasniqi, ka qenë një punëtor i papërtuar të cilin komuniteti shqiptaro-amerkan e ka dashur dhe do ta dojë.