Jurgen Uldedaj ngjitet në krye të boksit evropian. Sportisti shqiptar arriti një fitore të rëndësishme kundër boshnjakut, Damir Beljo, për të fituar titullin “WBA Continental” në kategorinë Cruser.

Ishte një dominim i plotë në ring, pasi Uldedaj fitoi duelin me Beljo me pikë, edhe pse Beljo shmangu nokautin disa herë kundër Uldedaj. Shumë tifozë shqiptarë mbështetën sportistin nga Lezha në arenën e Mynihut, i cili kishte avantazhin ndaj kundërshtarit.

26-vjeçari, tani me 17 fitore dhe një humbje në karrierën e tij, arriti të mbajë ritmin gjatë 10 raundeve dhe të dominojë kundërshtarin, edhe pse ai kishte më shumë përvojë.

Është një fitore tjetër në karrierë për Uldedaj, duke shkaktuar humbjen e dytë në karrierë kundërshtarit të tij. Tani me titullin në kategorinë Cruser, Uldedaj synon të ngjitet më lart në boksin profesionist, duke premtuar më shumë emocione dhe fitore për tifozët shqiptarë.