Boksierja kosovare Donjeta Sadiku ka siguruar medalje në Kampionatin Evropian që po mbahet në Sofje të Bullgarisë.

Sadiku e siguroi vendin në podium pas fitores në çerekfinale ndaj holandezes Maud van der Toorn, në kategorinë -60 kg.

Me këtë fitore, ajo ka garantuar të paktën medaljen e bronztë, që është medalja e dytë evropiane në karrierën e saj, pas asaj të fituar në vitin 2022.

Sadiku tani kalon në gjysmëfinale, ku do të luftojë për një vend në finale.