Vanesa Limani, një shqiptaro-amerikane e përkushtuar në shërbim publik, është përzgjedhur ndër “20 Nën 40” lideret e vitit 2025 në Staten Island—një nder që u jepet profesionistëve të rinj që kanë ndikim të madh në komunitet.

Aktualisht, Vanesa shërben si Drejtoreshë e Borough-t të Staten Island pranë Zyrës së Kryetarit të Bashkisë së Nju Jorkut, ku angazhohet për zgjidhjen e sfidave lokale, forcimin e partneriteteve komunitare dhe përfaqësimin e nevojave të banorëve të Staten Island.

Më parë, ajo ka qenë Drejtoreshë për Staten Island për Senatoren e Shtetit të Nju Jorkut, Jessica Scarcella-Spanton, dhe Drejtoreshë e Shërbimeve për Qytetarët për ish-asamblistin Michael Cusick. Në çdo pozitë, Vanesa është përpjekur të sigurojë që përfaqësuesit të jenë sa më afër qytetarëve.