Dea Kamberi, vajza e prindërve shqiptarë nga Shqipëria, ka arritur një sukses të jashtëzakonshëm: është shpallur valedictorian (nxënësja më e mirë) e shkollës Doherty Memorial në Massachusetts dhe këtë vjeshtë niset drejt Universitetit Harvard!

Si gjenerata e parë e lindur në SHBA, Dea ka ndërtuar një CV mbresëlënëse: 12 kurse AP, 7 klasa kolegji gjatë gjimnazit, dhjetëra orë punë vullnetare, dhe është përzgjedhur si Lider Studenti nga Bank of America dhe Zonjusha e dalluar e Massachusetts.

“Prindërit e mi erdhën në Worcester në vitet 2000 për shkak të komunitetit të fortë shqiptar këtu” ka thënë ajo. Me krenari ka ruajtur traditat shqiptare – nga festivalet, tek vallëzimet tradicionale – por njëkohësisht ka përqafuar edukimin publik amerikan dhe sfidat akademike.

Inspirimin e mori që në vogëli nga motra, nëna e saj, dhe Michelle Obama. Që në shkollë të mesme vendosi të bëhej valedictorian – dhe ia doli.

Përtej notave, Dea ka ndihmuar bashkëmoshatarët me mësime, ka përfaqësuar qytetin në konkurse kombëtare, dhe ka qenë e para që përfaqësoi Worcester-in në programet prestigjioze.

Jashtë shkollës, ajo është artiste digjitale, piktore me porosi, dhe pianiste autodidakte.

Në Harvard do të studiojë qeverisje dhe ekonomi, me synimin për t’u bërë një zyrtare publike në shërbim të drejtësisë dhe komunitetit.

“Ky është vetëm fillimi” tha Dea. “Shpresoj që historia ime të frymëzojë shumë të tjerë si unë.”