Sopranoja shqiptare me famë botërore, Ermonela Jaho, rikthehet në një nga skenat më prestigjioze të operës në botë, Metropolitan Opera në New York City, me një nga rolet më të rëndësishme të karrierës së saj – Violetën në operën “La Traviata” të Giuseppe Verdi.

Pas mbi 300 interpretimeve të këtij roli në skena ndërkombëtare, Jaho rikthehet sërish te personazhi që ka shënuar rrugëtimin e saj artistik dhe personal. Për të, Violeta nuk është thjesht një rol, por një premtim i hershëm që ajo i bëri vetes që në fillimet e saj në Shqipëri.

Artistja ka ndarë emocionet për këtë rikthim të madh, duke theksuar se çdo herë që ngjitet në skenë si Violeta, zbulon dimensione të reja të personazhit – forcën, ndjeshmërinë dhe sakrificën që e bëjnë këtë figurë kaq të veçantë.

Shfaqjet në Metropolitan Opera do të mbahen më 6, 9, 13 dhe 16 maj, nën drejtimin e dirigjentit Marco Armigliato, duke premtuar netë të paharrueshme për publikun e operës.