Shqipëria po vazhdon të tërheqë gjithnjë e më shumë turistë. Në pesë muajt e parë të vitit 2025, vendin e kanë vizituar 3.4 milionë turistë, një rritje prej 4% krahasuar me vitin e kaluar.

Rritjen më të madhe e ka shënuar Izraeli, me një rritje prej 382% të vizitorëve, shifra më e lartë nga çdo shtet tjetër. Bukuritë natyrore, mikpritja dhe lidhjet në rritje me Izraelin duket se po japin rezultat.

Rritje janë shënuar edhe nga Franca, Finlanda dhe Bosnja.

Por ndërkohë që shifrat nga jashtë janë pozitive, vizitat nga Kosova kanë rënë me 7%. Një rënie e papritur për vendin fqinj dhe një nga grupet më të mëdha të turistëve në Shqipëri. Shkaqet mund të lidhen me koston, lodhjen nga destinacioni i zakonshëm apo alternativa të tjera në rritje.