Një sondazh i ri nga International Republican Institute (IRI) tregon se Presidenti i Shteteve të Bashkuara, Donald Trump, ka përqindjen më të lartë të miratimit në Ballkan pikërisht në Kosovë.

Sipas sondazhit, 74% e qytetarëve të Kosovës shprehen pozitivisht për Trump-in, duke e vendosur vendin në krye të rajonit. Pasojnë Maqedonia e Veriut me 66%, Mali i Zi me 52%, Serbia me 44% dhe Bosnja e Hercegovina me 34%.

Këto shifra pasqyrojnë lidhjen e veçantë që Kosova ka me SHBA-të. Që nga ndërhyrja e NATO-s më 1999 e deri te mbështetja e vazhdueshme amerikane në shtetndërtimin e Kosovës, Shtetet e Bashkuara mbeten aleati më i afërt i vendit.

Në vendet fqinje, përqindjet janë më të ulëta dhe shpesh të përziera. Në Serbi vetëm 44% kanë një opinion pozitiv për Trump-in, ndërsa në Bosnje e Hercegovinë shifra bie edhe më shumë.