Arbëreshët që jetojnë dhe veprojnë në Itali, së bashku me shqiptarë nga Shkodra dhe anëtarë të ansamblit pejanas “Rugova”, kanë parakaluar në sheshet kryesore të Prishtinës në kuadër të aktiviteteve për nder të ditëlindjes së heroit kombëtar shqiptar, Gjergj Kastrioti Skënderbeu.

Të veshur me kostume tradicionale kombëtare, pjesëmarrësit sollën një atmosferë festive duke promovuar kulturën, trashëgiminë dhe identitetin shqiptar përmes muzikës dhe paraqitjeve artistike.

Ky aktivitet mblodhi së bashku komunitete shqiptare nga vende të ndryshme, duke theksuar lidhjen e fortë kulturore dhe historike që i bashkon shqiptarët kudo në botë.