Flamuri shqiptar u ngrit të martën në Bowling Green Park në Manhattan, në një ceremoni që shënoi 113-vjetorin e Pavarësisë së Shqipërisë. Aktiviteti u organizua nga Zyra e Emigrantëve e Bashkisë së Nju Jorkut, Njësia e Çështjeve Komunitare dhe Zyra për Marrëdhënie Ndërkombëtare. Ceremonia vjen pas disa eventeve të komunitetit që u zhvilluan nga fundi i nëntorit deri në fillim të dhjetorit. Edhe pse Kryebashkiaku Eric Adams nuk ishte i pranishëm, zyrtarët theksuan se kjo ishte ngritja e fundit e flamurit në mandatin e tij.

Vanesa Limani, Drejtore e Staten Island në Njësinë e Çështjeve Komunitare, e moderuar ceremoninë. Imami Tahir Kukaj dha lutjen e hapjes. Arthur Piccolo, Kryetar i Bowling Green Association, solli një përmbledhje historike duke përfshirë edhe fillimet e traditës së ngritjes së flamurit shqiptar në këtë vend, e nisur në mesin e viteve ’90 nga punëtorët shqiptarë të 26 Broadway.

Tre anëtarë të komunitetit — Fitim Shabani, Vlera Sela dhe Mary Camaj — u nderuan me citime. Ish-anëtari i Këshillit të Qytetit të NYC, Mark Gjonaj, mori gjithashtu një citim për kontributet e tij të vazhdueshme. Ambasadorja Suela Janina, Përfaqësuese e Përhershme e Shqipërisë në OKB, mbajti fjalën e saj për rëndësinë e ceremonisë. Kori i fëmijëve “Kënga Jonë,” nën drejtimin e Blina Selimajt, performoi dy këngë shqiptare.

Gjatë aktivitetit, Komisioneri Manuel Castro dhe Program Manageri Vera Mjeku prezantuan animacionin e ri “New York Albanians,” një projekt njëvjeçar që synon të promovojë komunitetet e nën-përfaqësuara në qytet.