Ylli botëror i muzikës pop, Dua Lipa, do të rikthehet në Prishtinë për të performuar në Sunny Hill Festival 2025, që do të mbahet nga data 1 deri më 3 gusht!

Lajmi është konfirmuar sot nga organizatorët e festivalit:
“Dua Lipa bën rikthimin e madh në Prishtinë, duke konfirmuar performancën në Sunny Hill Festival këtë verë.” Kjo do të jetë ndalesa e saj e vetme në Europën Juglindore si pjesë e turneut botëror “Radical Optimism”.

Pas performancave madhështore në Glastonbury, Royal Albert Hall dhe në kryeqytetet më të mëdha të botës, Dua pritet të sjellë energjinë dhe hitet e saj në skenën kryesore të festivalit më të madh të muzikës në rajon.

Organizatorët premtuan një edicion të veçantë me emra të mëdhenj vendorë dhe ndërkombëtarë—të cilët do të zbulohen së shpejti. Deri tani, është konfirmuar edhe pjesëmarrja e DJ-së së njohur në botë, Peggy Gou.

Biletat “Early Bird” kanë dalë tashmë në shitje!
Siguroje biletën këtu: ticketing.festtix.co.uk/events/sunny-hill-festival-2025