Gino Mulliqi, shqiptaro-amerikani që po i jep zë komunitetit tonë në SHBA, është zgjedhur Zëvendës-Kryetar (Mayor Pro Tem) i qytetit Wylie në Texas! I rrethuar nga familja e tij, Mulliqi dha betimin në një ceremoni të ngrohtë që shënoi një moment historik për shqiptarët në Amerikë.

Në një deklaratë publike, ai tha:

“Jam i nderuar të ndaj që jam zgjedhur nga kolegët e mi në Këshillin Komunal për të shërbyer si Zëvendës-Kryetar i qytetit Wylie. Falënderoj sinqerisht kolegët për besimin dhe këtë mundësi të rëndësishme.” – shkroi ai në Facebook.

Ai falënderoi edhe ish-Zëvendës-Kryetarin Jeff Forrester për udhëheqjen e tij, duke premtuar të punojë me ndershmëri, transparencë dhe bashkëpunim.