Kadetët Andrin Vuthaj dhe Vesa Ibrahimi kanë diplomuar me sukses nga Akademia Ushtarake e Shteteve të Bashkuara në West Point, akademia më prestigjioze ushtarake në botë, pas katër viteve studimesh rigoroze dhe sfiduese.

Ceremonia e diplomimit u ndoq nga shumë familjarë dhe mysafirë, përfshirë Presidentin Joe Biden, i cili i përgëzoi oficerët e sapo diplomuar. Kadetët do t’i bashkohen Forcës së Sigurisë së Kosovës (FSK), duke sjellë me vete përvoja të vlefshme të fituara gjatë kohës së tyre në West Point.

Kadeti Vuthaj u dallua duke diplomuar Magna Cum Laude, duke reflektuar performancën e tij të shkëlqyer akademike.