Duke folur sot në përkujtimin e viktimave të gjenocidit në Srebrenicë në Potoçari, kryeministri i Malit të Zi, Dritan Abazoviq, tha:

“Gjenocidi nuk është kryer ndaj boshnjakëve, por ndaj njerëzve. Nuk është bërë nga ushtria, por nga politikanët”.

Të pranishmit në përkujtimin në Potoçari ishin të tronditur.

Shqiptaro-Amerikani Uk Lushi ka reaguar pikërisht ndaj kësaj deklarate të kryeministrit malazez.

Përmes një postimi në rrjetin social Twitter, Lushi ka thënë se Abazoviqit duhet t’i vijë turp për deklaratën e sotme.

“Unë e kam paralajmëruar botën për kryeministrin e #Malit të Zi @DritanAbazovic. Sot ai na dha një tjetër provë se ai është një troll dhe mohues i gjenocidit kundër #boshnjakëve në #Srebrenicë. Turp për ty, Terran!” shkroi Uk Lushi në Twitter.

I’ve forewarned the world about #Montenegro’s PM @DritanAbazovic. Today he gave us another proof that he is a troll and a denier of genocide against #Bosniaks in #Srebrenica. Shame on you, Terran!https://t.co/XyNbJ3lbfi

— Uk Lushi (@UkLushi) July 11, 2022

Për të njëjtën çështje, Lushi ka shkruar edhe në Facebook, ku e ka cilësuar kryeministrin malazez si oportunist dhe levantin.