Një sondazh online i kryer nga TNT Sports ka nxjerrë në pah një preferencë interesante mes tifozëve amerikanë para ndeshjes vendimtare të play-off-it për Kupën e Botës 2026. Në pyetjen “Kë doni të kualifikohet mes Kosovës dhe Turqisë?”, 57.7% e të anketuarve kanë zgjedhur Kosovën, ndërsa 43.3% kanë favorizuar Turqinë.

Ky rezultat vjen vetëm pak ditë para përballjes së 31 marsit 2026 në stadiumin “Fadil Vokrri” në Prishtinë. Fituesi i këtij dueli do të bashkohet me Shtetet e Bashkuara të Amerikës, Paraguain dhe Australinë në Grupin D të fazës finale të Botërorit.

Kosova arriti në këtë finale pas një fitoreje dramatike 4-3 kundër Sllovakisë, duke treguar karakter dhe frymë luftarake. Turqia, nga ana tjetër, konsiderohet favorite në “letra” nga ekspertët për shkak të renditjes më të lartë në FIFA, skuadrës më të talentuar dhe përvojës së madhe në kompeticione ndërkombëtare.