Kapiteni i Policisë së Kosovës, Visar Shala, ka përfunduar me sukses Sesionin e 299-të të Akademisë Kombëtare të FBI-së në Shtetet e Bashkuara të Amerikës.

Shala mori pjesë në ceremoninë e diplomimit të mbajtur më 17 shtator në Quantico të Virxhinias, ku u mblodhën zyrtarë të institucioneve të zbatimit të ligjit nga Shtetet e Bashkuara dhe vende të ndryshme të botës.

Sipas Ambasadës së Kosovës në Shtetet e Bashkuara, në Sesionin e 299-të morën pjesë gjithsej 265 zyrtarë të zbatimit të ligjit nga SHBA-ja dhe 29 vende të tjera.

Akademia Kombëtare e FBI-së ofron trajnime të avancuara dhe zhvillim profesional për udhëheqës të institucioneve të zbatimit të ligjit, duke sjellë së bashku zyrtarë nga SHBA-ja dhe agjenci të ndryshme ndërkombëtare.