Gjigandi i transmetimit online Netflix ka njoftuar shkarkimin e 150 punëtorëve, veçanërisht në selinë e tij në Shtetet e Bashkuara, pas humbjes së 200,000 abonentëve gjatë tremujorit të parë të 2022.

“Rritja jonë e ngadalësuar e të ardhurave do të thotë se ne gjithashtu duhet të ngadalësojmë rritjen e kostos si kompani,” tha kompania në një deklaratë për mediat të martën.

Deklarata nënvizonte se lëvizja ishte nxitur nga “nevojat e biznesit dhe jo performanca individuale” e punonjësve dhe se ata po punonin për stafin e pushuar në këtë periudhë tranzicioni të vështirë.

Shkarkimi i këtyre 150 punonjësve, që përfaqësojnë dy për qind të fuqisë punëtore të saj në SHBA, pasqyron një rrëshqitje të vazhdueshme të fatit të platformës online.

Një muaj më parë, lista e saj në Wall Street ra me 36 për qind, si rezultat i humbjeve të larta të përdoruesve.

Që atëherë, kompania ka vendosur të ndërpresë kontratat e një numri të papërcaktuar punëtorësh në Tudum, një faqe interneti që është pjesë e konglomeratit të saj dhe ku promovohen përmbajtjet e saj audiovizive.