Kryeqyteti i Kosovës është shndërruar në një atraksion për qytetarët gjithandej vendit.. Muaji dhjetor i ka dhënë Prishtinës imazhin e ndriçuar që shpesh i mungonte. Me nismën e komunës, hapësirat publike janë rregulluar dhe janë në shfrytëzim të qytetarëve që festat i kalojnë duke ndarë kohën e tyre me shokë dhe të afërm.

Sheshi ku qytetarët mund të ecin është zgjatur. Ndërkohë, përreth rrugës janë vendosur shtëpiza ku biznese të ndryshme në Prishtinë ofrojnë pije nga çaji, kafeja e deri te verërat e vluara. Veç pijeve, turistët mund të furnizohen edhe me ushqime të shumta.

Këto ndryshime në Prishtinë u mirëpritën nga qytetarët. Brenda ditës mijëra persona vizitojnë këto lokacione duke e kthyer kryeqytetin në një qendër mjaft atraktive.