Një violinë e rrallë e vitit 1679 e bërë nga mjeshtri i njohur italian, Antonio Stradivari, do të dalë në ankand muajin e ardhshëm, ku mund të arrijë deri në 11 milionë dollarë.
“Hellier Stradivarius” konsiderohet violina më e mirë e punuar ndonjëherë nga Stradivari dhe një nga instrumentet më të mira të Stradivarius” tha shtëpia e ankandeve Christie’s.
E gdhendur me diamante fildishi dhe e lyer me një llak të artë, violina ka një vlerësim të çmimit deri në 11 milionë dollarë.
Stradivari e mbajti instrumentin për 55 vjet, duke e shitur atë në vitin 1734, për 40 paund në Angli.
“Pres shumë interes për një instrument të tillë, sepse është kaq i rrallë dhe del nga një muze”, tha për Reuters eksperti i violinës dhe konsulenti i Christie’s, Florian Leonhard.
Violinat e Stradivarit njihen për mjeshtërinë e tyre të hollë dhe ato kushtojnë midis 8 dhe 20 milionë dollarë, sipas Leonhardit.
“Nga rreth 1 mijë e 100 instrumente që Stradivari ka bërë gjatë karrierës së tij, vetëm rreth një duzinë janë zbukuruar me dekorime dhe ky ekzemplar konsiderohet si shembulli më i ruajtur ekzistues”, u shpreh tutje ai.
