Një tjetër talent me origjinë shqiptare po bën hapa të mëdhenj në futbollin evropian. 16-vjeçari Erblin Osmani ka bërë debutimin e tij në Bundesliga me Bayern Munich, duke hyrë në histori si një nga lojtarët më të rinj të klubit.

Osmani u inkuadrua në minutat e fundit të fitores bindëse 4–0 të Bayern ndaj Union Berlin, duke marrë vendin e Leon Goretzkës dhe duke shënuar kështu paraqitjen e tij të parë me ekipin e parë të gjigantit bavarez.

Me këtë paraqitje, ai u bë lojtari i dytë më i ri që debuton ndonjëherë për Bayern Munich në Bundesliga, një arritje e jashtëzakonshme që tregon besimin e madh të klubit tek talentet e reja.

I lindur në Munich në vitin 2009 nga prindër me origjinë nga Kosova, Osmani është rritur në akademinë e Bayern dhe ka kaluar me sukses të gjitha nivelet e grupmoshave. Para debutimit, ai kishte tërhequr vëmendjen me paraqitjet e tij me ekipet U17 dhe U19, si dhe me përfshirjen në stërvitjet e ekipit të parë.

Mesfushor defensiv me qetësi dhe pjekuri të rrallë për moshën e tij, Osmani përfaqëson Gjermaninë në nivelet e reja, por konsiderohet një nga talentet më premtues me rrënjë nga Kosova në futbollin evropian.