Një mbrëmje e paharrueshme arti, filmi dhe elegance po vjen në New York! Më 27 prill 2025, premiera e filmit “American Dream”, një seri filmash që përshkruan rrugëtimin e ambicies, sfidës dhe suksesit, do të shfaqet për herë të parë në Mulino’s at Lake Isle në Eastchester, NY. Ngjarja do të nisë në ora 18:30, pasuar nga një Koncert Gala me artistë shqiptarë dhe ndërkombëtarë.

Në koncertin gala do të performojnë emra të njohur si tenori Kreshnik Zhabjaku, sopranoja Donika Ukshini, tenori Riad Imeri, këngëtarët Arian Krliu dhe Kimi, si dhe aktori Armend Baloku. Performanca të veçanta baleti do të ofrohen nga Adel Lami dhe Andrew Kutryk.

Pjesë e mbrëmjes do të jenë edhe mjeshtrat e muzikës: Elis Lloshi (piano), Klajdi Cerriku (fizarmonikë), Did Tezha (kitare), dhe Margret Radovani (violinë).

Të ftuarit do të shijojnë një darkë me tre shujta dhe bar të hapur. Kodi i veshjes: elegant.