Ylli i xhudos shqiptare, Distria Krasniqi, ka shkëlqyer sërish në arenën ndërkombëtare, duke siguruar medaljen e argjendtë në Upper Austria Grand Prix 2025!
Krasniqi tregoi dominim të jashtëzakonshëm gjatë turneut. Në xhiron e parë ishte e lirë, ndërsa në të dytën mposhti me Ippon amerikanen Jenna Schurr. Në çerekfinale, shkatërroi serben Nikolina Nišavić me një tjetër Ippon!
Në gjysmëfinale, Krasniqi pati një përballje të fortë, por triumfoi ndaj hungarezes Reka Pupp me një Waza-ari, duke siguruar një vend në finale.
Në duelin e fundit, ajo u përball me japonezen Iroha Oi dhe, pas një lufte të ashpër, u detyrua të kënaqet me medaljen e argjendtë.
