Skiatorja që përfaqëson Shqipërinë, Lara Colturi, u rendit në vendin e 7-të në Kupën e Botës.

Komiteti Olimpik Kombëtar Shqiptar njoftoi sot se Colturi zhvilloi një garë të jashtëzakonshme në Slalomin Gjigand në Saalbach të Austrisë, me dy zbritje shumë mbresëlënëse.

Në debutimin e saj në Kupën e Botës në Skitë Alpine, Lara Colturi arriti të renditet mes 10 skiatorëve më të mirë në botë.

Gara e Slalomit Gjigand në Saalbach u dominua nga italiania Federica Brignone, e cila fitoi medaljen e artë.

Lara Colturi do të garojë të shtunën në Slalom, ku synon të arrijë një vend në podium.

Gjithashtu, Denni Xhepa është kualifikuar për finalen e Slalomit Gjigand dhe do të garojë të premten.