E lindur në Itali në një familje me origjinë nga Puka, Shqipëria, familja e Berishës ikën nga komunizmi në vitin 1951, duke u zhvendosur në Shtetet e Bashkuara kur ajo ishte vetëm tre muajshe. Historia e saj është një shembull i ëndrrës amerikane, një dëshmi për mundësitë e hapura për emigrantët në Shtetet e Bashkuara.

Duke udhëhequr një komunitet me mbi 15,000 banorë, kryetarja Berisha njeh praninë e një komuniteti të vogël shqiptaro-amerikan në Fairview. Ajo premton të mbështesë ata dhe shqiptarët e tjerë në zonat përreth, duke shprehur krenari për trashëgiminë e saj.

Intervista me Zërin e Amerikës:

Zëri i Amerikës (VoA): Znj. Berisha, javën e kaluar ju u betuat si Kryetare e Fairview, duke u bërë gruaja e parë shqiptaro-amerikane në një post kaq të lartë. Çfarë do të thotë kjo për ju, si në planin profesional ashtu edhe në atë personal?

Violeta Berisha: Për mua, kjo do të thotë që një person mund të arrijë çdo gjë që synon. Kurrë nuk kisha ëndërruar se do të udhëhiqja një qytet. Më parë, kam shërbyer si këshilltare, gjë që gjithashtu ishte shumë e veçantë për mua. Dhe tani, që jam kryetare, gruaja e parë shqiptare si kryetare, dhe gruaja e dytë shqiptare si kryetare, por e para në shtetin e New Jersey, është shumë e veçantë.

VoA: Znj. Berisha, familja juaj emigroi në SHBA shumë kohë më parë, kur ju ishit vetëm tre muajshe. Si ka qenë ky udhëtim për familjen tuaj dhe për veten tuaj?

Violeta Berisha: Si çdo emigrant tjetër që vjen në Amerikë, të gjithë kemi një ëndërr. Nuk e di nëse ëndrra ime ishte të bëhesha kryetare, por është shumë e veçantë që jam në këtë pozicion. Kjo do të thotë se emigrantët, shqiptarët që vijnë në Amerikë, po realizojnë atë që mendonin se kurrë nuk do të ishte e mundur. Kam përpiqem të jem afër njerëzve, të ndihmoj në zhvillimin e qytetit. Është shumë e kënaqshme për ne. Më pëlqen kur njerëzit bëjnë mirë. Jam shumë krenare për veten që ndihmoj të tjerët, ndihmoj qytetin. Është një përvojë e dobishme.

VoA: Kujt i dedikoni këtë histori suksesi në jetën tuaj?

Violeta Berisha: Absolutisht prindërve dhe fëmijëve të mi. Pa ta, nuk e di ku do të isha. E përmenda këtë gjatë fjalimit që mbajta kur u zgjodha. Ata më kanë ndihmuar me gjithçka dhe kanë kaluar çdo pengesë që kam hasur në jetë. Të gjithë përballen me gjëra të ndryshme në jetë. Dhe nëse nuk do të ishin ata, nëse nuk më kishin inkurajuar të bëja gjënë e duhur, nuk e di ku do të isha.

VoA: Le të kthehemi tek misioni juaj si kryetare. Cilat janë prioritetet tuaja dhe çfarë mendoni se mund të jenë sfidat kryesore gjatë mandatit tuaj?

Violeta Berisha: Shikoni, atë që shumë njerëz e shohin si sfidë, unë e shoh si mundësi. Mendoj se do të jetë një gjë e madhe të jem në gjendje të ndihmoj qytetin të përparojë, të ndihmoj në qëndrueshmërinë e taksave, rritjen e vlerave të pronave dhe ruajtjen e rendit dhe ligjit në qytet. Unë jetoj këtu. Dua të shoh qytetin tim të lulëzojë. Në fakt, ende nuk shoh shumë sfida. Nuk jam e sigurt me çfarë do të përballen tani. Mendoj, si kudo, ka një fluks emigrantësh që vijnë në qytet. Nuk do të doja të shihja askënd të lëndohet apo të ndodhë diçka tjetër. Pra, nuk shoh ndonjë sfidë të madhe, dhe edhe nëse ka, jam gati t’i përballen.

VoA: Znj. Berisha, le të flasim për komunitetin shqiptaro-amerikan. Sa i madh është komuniteti shqiptar atje?

Violeta Berisha: Nuk kemi shumë shqiptarë, por ka më shumë në qytetet përreth. Komuniteti shqiptar përbën rreth 10% të popullsisë së qytetit. Jam gati t’i ndihmoj ata me çdo gjë që u nevojitet, në ndonjë nga qytetet dhe ata që na drejtohen për ndihmë në këtë komunitet. Jam gati të ndihmoj me çdo gjë që mundem. Ndokush 200, 300. Nuk jam plotësisht e sigurt për numrin e saktë.

VoA: Do të doja gjithashtu të ju pyes në përgjithësi për perspektivën tuaj mbi diasporën shqiptare këtu në Shtetet e Bashkuara, veçanërisht integrimin e tyre në shoqërinë amerikane?

Violeta Berisha: Siç e dini, shqiptarët kanë bërë një rrugë të gjatë në shoqërinë amerikane. Nuk ka asgjë që ata nuk mund të bëjnë. Tani shqiptarët janë kryetarë bashkish, gjyqtarë, sipërmarrës, kështu që asgjë nuk është e pamundur për ta. Pra, jam shumë krenare për ta. Jam shumë krenare të them që jam shqiptare./VOA