Veton Breznica, pilot shqiptar A320-B777, është një nga aviatorët më me përvojë, i njohur për kryerjen e fluturimeve me nivelin më të lartë të profesionalizmit.

Përvoja e tij e gjerë duke fluturuar në destinacione të ndryshme në mbarë botën e ka bërë atë një emër sinonim të suksesit. Së fundmi, ai përfundoi një fluturim të jashtëzakonshëm 14-orësh për në Nju Jork me një B777.

“Në fluturimin tim të fundit 14 orësh për në Nju Jork, pata mundësinë e rrallë të fluturoja me B777 për disa minuta mbi Kosovën tonë të dashur, një ëndërr e kamotshme. Ishte një gëzim i veçantë dhe një moment emocionues për të përshëndetur miqtë e mi në kontrollin e trafikut ajror të Prishtinës në gjuhën shqipe. Një ndjenjë e papërshkrueshme dhe e paharrueshme, duke e ditur se familja dhe miqtë e mi më tundnin nga poshtë teksa po ecja me shpejtësi në qiell me afro 900 km/h”, ka treguar Breznica.