Gjenerali Wesley K.Clark do të mirëpritet në Staten Island, New York të dielen. Gjenerali amerikan i cili kishte udhëhequr bombardimet e NATO’s në Kosovë pritet t’i takojë shqiptarët që jetojnë në Amerikë.

Në rrjete sociale është bërë thirrje që shqiptarët të mobilizohen për ta takuar dhe për ta përshëndetur Clark.

Por, cili ishte angazhimi i Wesley K.Clark në Kosovë?

Wesley Clark ishte Komandanti Suprem i Aleatëve në Evropë për NATO-n kur ndodhi kriza në Kosovë, dhe ai është pyetur rregullisht për arsyetimin dhe pasojat e sulmit.

I pyetur për angazhimin e tij vite pas, ai tha se ndjehet krenar për intervenimin në Kosovë dhe u shpreh i bindur se NATO kishte bërë veprimin e duhur.

Clark ka shkruar edhe një libër për përvojën e tij në Kosovë.