Në Shqipëri është festuar ditëlindja e 247 e Trupës së Marinës të Shteteve të Bashkuara të Amerikës. Ngjarja është organizuar nga Ambasada e SHBA-së në Shqipëri, ndërsa të pranishëm ishin përfaqësues të institucioneve të shtetit.

Këtu, gjatë fjalimit të saj, ambasadorja e SHBA-së në Shqipëri, Yuri Kim tha se përkushtimi i Trupës së Marinës të SHBA-së është arsyeja pse janë forca luftarake më e respektuar.

“Qoftë në fushën e betejës, në ambasadë, apo kudo tjetër – përkushtimi i tyre i palëkundshëm ndaj detyrës dhe ndaj vendit është arsyeja pse kanë merituar reputacionin e tyre si forca luftarake më besnike, më e respektuar dhe më profesionale në botë”, ka thënë Kim.