Shqiptarët në Amerikë kanë filluar që të mbledhin fonde për t’i ndihmuar qytetarët në Kosovë të cilët po përballen me vërshime që nga dita e enjte. Kjo është bërë e ditur nga Komuniteti Shqiptar Amerikan në Dallas, të cilët të shqetësuar me gjendjen e rëndë në Kosovë bënë këtë organizim.

Ata kanë shpërndarë këtë thirrje në rrjetin social Facebook, duke i ftuar edhe të tjerët t’i bashkohen kësaj nisme.

“Komuniteti Shqiptar Amerikan në Dallas/Fort Worth, TX – Qendra Kulturore Shqiptare Amerikane e Teksasit të shqësuar për mirëqenjën e bashkatdhetarëve tonë në komunat e ndryshme të Kosovës të prekur nga vërshimet e fundit atje ka filluar organizimin për mbledhjën e fondeve online. Pamjet nga terreni përshkruajnë një gjendje tejet të rëndë të mijëra qytetar të cilat po përballen me mbijetesën e tyre nga kjo tragjedi natyrore. Ftojmë të gjithë Komunitetin Shqiptar Amerikan ne Texas dhe më gjerë të na bashkangjiten në ketë inciativë humanitare,” thuhet në njoftim.