“Albanian American Development Foundation” ka ndërtuar një laborator bashkëkohor informatike në një shkollë në Shqipëri.

Pajisja e shkollës me 16 laptopë dhe tabelë interaktive ua mundëson fëmijëve që të hyjnë në botën e teknologjisë dhe të mësojnë me kurrikula të standardeve ndërkombëtare.

Këtë njoftim e bëri të ditur shkolla “Halit Uruçi”.

“Një nismë e Ministrisë së Arsimit dhe kompanisë Albanian-American Development Foundation po bën të mundur që nxënësit e klasave të para të shkollës sonë të kenë mundësinë të bëhen kodues të së ardhmes. Shkolla jonë është pasuruar me një laborator bashkëkohor informatike me 16 laptopë dhe një tabelë interaktive për t’iu dhënë mundësi fëmijëve që nga klasa e parë të hyjnë në botën e teknologjisë dhe të marrin këto mësime me kurrikulat përkatëse të standardeve më të mira ndërkombëtare,” thuhet në njoftimin e shkollës.