Apple të martën dërgoi ftesa për mediat për një ngjarje që do ta mbajë më 8 mars, ku pritet të prezantojë një model të ri iPhone me kosto të ulët.

Ngjarja, me etiketën “Peek Performance”, do të transmetohet në mënyrë dixhitale në YouTube dhe në faqen e internetit të Apple. Eventet për lansimin e produkteve nga Apple kanë qenë virtuale që nga fillimi i pandemisë në mars të vitit 2020.

Eventi do të jetë i pari i Apple që nga tetori 2021, kur lansoi laptopët e rinj MacBook Pro. Vitin e kaluar, kompania mbajti një ngjarje pranverore në muajin prill me iPad të rinj të nivelit të lartë dhe kompjuterin iMac.

Apple mund të prezantojë një iPhone të ri me kosto të ulët me mbështetje 5G dhe një lexues të gjurmëve të gishtërinjve, si dhe një iPad të mesëm, sipas raporteve të mediave dhe analistëve.

Kompania aktualisht ofron një iPhone me kosto të ulët të quajtur iPhone SE, që u prezantua në pranverën e vitit 2020 dhe shitet me pakicë për 399 dollarë. /Telegrafi/