Qeveria e Kosovës ishte zotuar të nxiste tregtinë me Shqipërinë fqinje dhe të reduktonte varësinë e vendit nga importet nga Serbia, por të dhënat zyrtare tregojnë se këtë vit, të paktën, e kundërta po ndodh.

Në nëntë muajt e parë të këtij viti, vlera e importeve nga Serbia u rrit 27 për qind krahasuar me të njëjtën periudhë të vitit 2021, në rreth 58.7 milionë euro, ndërsa eksportet nga Kosova me shumicë shqiptare në Serbi u rritën me rreth 48.5 për qind mbi të njëjtën periudhë, në 48.7 milionë euro.

Në të kundërt, tregtia me Shqipërinë është ulur, pavarësisht takimeve vjetore të përbashkëta të kabinetit mes qeverisë shqiptare dhe asaj të Kosovës që synojnë thellimin e lidhjeve ekonomike.