Paraja në qarkullim ka kapur shifrën rekord. Banka e Shqipërisë tregon se për muajin mars arriti në 380 miliardë lekë, shtesa më e lartë kjo e cash-it që qarkullon jashtë Bankës ndër vite.

Gjatë muajit shkurt shifra fiksohej në 376 miliardë lekë, duke u rritur kështu me 4% përdorimin e monedhës vendase. Ndërkohë krahasuar me marsin e një viti më parë, diferenca është 21 miliardë lekë, ku gjatë asaj periudhe jashtë bankave qarkullonin 359 miliardë lekë, kryesisht si pasojë e pandemisë e cila reduktoi dhe shërbimet bankare.

Sipas Bankës së Shqipërisë por dhe ekspertëve përdorimi i parasë fizike në shifra të rritura është tregues i informalitetit të lartë dhe mungesës së llogarive bankare.

Pavarësisht presioneve inflacioniste, agjencia tregon një aspekt pozitiv atë të rënies së borxhit publik për periudhën 2022 dhe 2023 respektivisht deri në 72.6% dhe 72.3%, krahasuar me 73.2% që u shënua në 2021 për shkak të goditjeve të pandemisë dhe tërmetit.