Presidenti ukrainas Volodymyr Zelenskyy ka biseduar me kryeministrin e Shqipërisë Edi Rama me të cilin ka diskutuar për invazionin rus në Ukrainë dhe punën e përbashkët në OKB për rezolutën e miratuar kundër agresionit rus, raporton Gazeta Express.

Zelenskyy ka shkruar se e vlerëson ndihmën e Shqipërisë në këto kohë të vështira.

“Pata një bisedë telefonike me kryeministrin e Shqipërisë Edi Rama. Biseduam për luftën kundër pushtuesit rus. Diskutuam punën e përbahkët në OKB. E vlerësojmë ndihmën praktike dhe mbështetjen e Shqipërisë në këto kohë të vështira. Ne po bëjmë gjithçka që ta përfundojmë luftën”, ka shkruar Zelensky.

Had a phone conversation with ?? Prime Minister @ediramaal. Spoke about the fight against Russian invaders. Discussed joint work within ??. We appreciate the practical help and support of Albania in this difficult time. We are doing everything to end the war. #StopRussia

— Володимир Зеленський (@ZelenskyyUa) March 5, 2022

Asambleja e Përgjithshme e OKB-së miratoi me shumicë dërmuese para tre ditësh rezolutën kundër agresionit rus, të propozuar nga Shqipëria dhe SHBA.