Ambasadorja e Shteteve të Bashkuara të Amerikës në vendin tonë, Yuri Kim, ka dhënë një “lajm të mrekullueshëm” për të gjithë shqiptarët që vizitojnë Amerikën.
“Tashmë, do ta bëjmë më të lehtë për shqiptarët që duan të vizitojnë të afërmit e tyre në Amerikë. Duke filluar nga data 1 prill, vlefshmëria për një vizë të re turistike apo biznesi, do të zgjatet nga 3 në 10 vjet”, tha ambasadorja Kim.
“Kjo do të thotë se nëse jeni një qytetar shqiptar që merr një vizë turistike apo biznesi, më 1 prill ose më pas, viza juaj do të jetë e vlefshme për 10 vjet, jo vetëm 3. Ju do të keni mundësi të shkoni dhe të vini në SHBA në bazë të ligjeve dhe rregullave përkatëse, pa pasur nevojë ta rinovoni deri në vitin 2032”, shtoi Yuri Kim.
As we celebrate #100Years of U.S.- Albanian relations, @USAmbAlbania Yuri Kim announces a very important decision that will make it more convenient for Albanians to visit friends & family in the United States. Watch the video to learn more about this great news! #KrahPerKrah pic.twitter.com/kPeZSNxNiv
— USEmbassyTirana (@USEmbassyTirana) March 28, 2022
