Senatorët amerikanë Chris Murphy, Jeanne Shaheen dhe Thom Tillis javën e kaluar vizituan Prishtinën si pjesë e një turi ballkanik. Ata deklaruan se do t’i bëjnë presion Qeverisë së Kosovës që t’i mbajë premtimet për marrëveshjet.
Senatori Murphy pas vizitës së tij në Kosovë, tha se qeveria e Kurtit ka qenë veçanërisht kokëfortë në vazhdimin e bisedimeve ndërmjet Kosovës dhe Serbisë.
Ai tha se ishte detyrë e tyre që t’i japin mesazh të fortë qeverisë së re të Kosovës.
“Një dialog për këtë qëllim është në proces, por edhe qeveria serbe edhe ajo e Kosovës nuk kanë bërë përparim të mjaftueshëm dhe së fundmi qeveria e Kurtit ka qenë veçanërisht kokëfortë në vazhdimin e bisedimeve”, tha ai.
Murphy shtoi se Kosova për t’iu bashkuar NATO-s dhe BE-së duhet të arrijë në një marrëveshje në të cilën të dyja njohin ekzistencën legale të shtetit tjetër.
“Brenda të dy takimeve, Shaheen, Tillis dhe unë ishim rigorozisht të qëndrueshëm në mesazhin tonë për nevojën për t’u rikthyer në bisedime serioze me Serbinë. Për shumë çështje të brendshme, ne mund ta gjejmë veten lehtësisht në faqe të ndryshme. Unë jam një demokrat progresiv, senatori Shaheen është një demokrat më i moderuar dhe senatori Tillis është një republikan konservator”, shtoi Murphy.
