Presidentja e Kosovës Vjosa Osmani u takua me zëvendëspresidentin e SHBA-së, J.D. Vance, gjatë Samitit të UA-së të organizuar nga presidenti francez Emmanuel Macron.

Lajmin e ka bërë të ditur Osmani në rrjetet sociale duke thënë se ka pasur rastin të bisedojë me zëvendëspresidentin Vance si gjatë një darke të organizuar nga Macron ashtu edhe në seancën e hapjes së samitit.

Ajo theksoi aleancën e fortë dhe të vazhdueshme ndërmjet Kosovës dhe Shteteve të Bashkuara, duke e cilësuar atë si një partneritet të destinuar për forcimin e vazhdueshëm.