Në një garë ndërkombëtare të mbajtur në Londër, mjeku shqiptar Dr. Bardhyl Rraci u nderua me çmimin prestigjioz “Kirurgu Oral i Vitit 2024.” Kjo ngjarje, e organizuar nga British Healthcare Awards dhe International Award of Excellence, vlerëson profesionistët më të mirë shëndetësorë në botë.

Dr. Rraci u veçua për punën e tij të avancuar në implantet dentare, përfshirë teknikat pterigoide, nazale dhe trans-sinusale, trajtimet e nofullave atrofike dhe ekstraksionet komplekse. Me 17 vite përvojë dhe vlerësime perfekte 5.0 nga pacientët globalisht, ai ka vendosur një standard të ri në kirurgjinë orale në nivel ndërkombëtar.