Eurodeputeti austriak, Lukas Mandl, ka kërkuar nga Serbia që ta njohë Kosovën sa më shpejtë.
Mandl përmes në postimi në Twitter ka thënë se nuk e dinte që do të kishte alternativë për evropianët që synojnë rrugën drejt BE-së, si në rastin e Serbisë.
“Asnjëherë nuk e dija se do të kishte një alternativë për evropianët (në këtë rast në #Serbi) në rrugën drejt BE-së. Por mirë nëse Aleksandër Vuçiq kujtohet tani. Hapi i parë pas kësaj “përvoje të damaskut” duhet të jetë njohja e shtetit më të ri të Evropës, Republikës së Kosovës, pa vonesa të mëtejshme”, ka shkruar Mandl në Twitter.
Përvoja e Damaskut shprehje të cilën eurodeputeti ia ka përmendur presidentit serb nënkupton një përvojë që e ndryshon totalisht mënyrë e të menduarit për diçka, në këtë rast njohjes së pavarësisë së Kosovës nga Vuçiq.
Never knew there would be an alternative for Europeans (in #Serbia in this case) to the EU-path. But good if @avucic remembers now. First step after this “damascus experience” must be the recognition of the youngest state of Europe, the Republic of #Kosovo, without further delay.
— Lukas Mandl (@lukasmandl) May 7, 2022
