Shtëpia e Bardhë ka thënë se presidenti Joe Biden së shpejti do të nxjerrë një urdhër ekzekutiv që do të ndalonte investimet e reja, tregtinë dhe financimin nga njerëzit dhe subjektet amerikane në rajonet Luhansk dhe Donetsk të Ukrainës.

“Ky OE [urdhër ekzekutiv] do të sigurojë gjithashtu autoritet për të vendosur sanksione ndaj çdo personi të vendosur të operojë në ato zona të Ukrainës”, citohet të ketë thënë Jen Psaki, sekretare e shtypit e Shtëpisë së Bardhë, përcjell Telegrafi.

“Ne gjithashtu së shpejti do të shpallim masa shtesë në lidhje me shkeljen flagrante të sotme të angazhimeve ndërkombëtare të Rusisë”, ka shtuar ajo.

Psaki tha se masat ishin të ndara nga sanksionet ekonomike që SHBA ka kërcënuar të vendosë nëse Putin pushton Ukrainën.

“Ne po vazhdojmë të konsultohemi nga afër me aleatët dhe partnerët, përfshirë Ukrainën, për hapat e ardhshëm dhe për përshkallëzimin e vazhdueshëm të Rusisë përgjatë kufirit me Ukrainën”.

Një reagim nga SHBA ka ardhur edhe nga Sekretari amerikan i Shtetit, Antony Blinken, përcjell Telegrafi.

Kremlin recognition of the so-called “Donetsk and Luhansk People’s Republics” as “independent” requires a swift and firm response, and we will take appropriate steps in coordination with partners.

— Secretary Antony Blinken (@SecBlinken) February 21, 2022