Ish-kryeministri Sali Berisha akuzoi të premten ambasadoren amerikane Yuri Kim për ndërhyrje të drejtpërdrejtë në procesin gjyqësor të Partisë Demokratike.

Berisha i bëri thirrje qeverisë amerikane që ‘të ndalojë përfaqësuesin e saj të ndërhyjë në proceset gjyqësore shqiptare’.

“Javën e kaluar më thanë dy burime se së fundmi guvernatori Yuri Kim po bën takime për proceset gjyqësore. I bëj thirrje qeverisë së Shteteve të Bashkuara të ndalojë përfaqësuesit e saj të ndërhyjnë në proceset gjyqësore në Shqipëri”, tha Berisha.

Sipas Berishës, takimet e ambasadores Kim kanë pasur qëllim që të ndërhyjnë në vendimet e Gjykatës së Apelit.

“Kisha tre burime që më thanë se Kim po ndërhyn në gjykatë. Nëse autoritetet amerikane duan prova për këtë informacion, unë do t’u tregoj gjithçka”, shtoi ai.

Ish-kreu i PD-së tha se ndërhyrja e ambasadorit te opozita është ‘qesharake’.

“Unë i them asaj se ka mbaruar koha kur i thonë opozitës si ta luajë lojën”, shtoi ai.

Gjykata e Shkallës së Parë të Tiranës njohu Kongresin e organizuar nga Berisha, ndërkohë që kreu në detyrë i PD-së Enkelejd Alibeaj ka apeluar vendimin në Gjykatën e Apelit.