“K’cimi i Tropojës” është shpallur zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO.

Ky vendim u mor gjatë sesionit të 19-të të Komitetit Ndërqeveritar për Ruajtjen e Trashëgimisë Kulturore Jomateriale, i mbajtur në Asuncion, Paraguaj.

Lajmi u bë i ditur nga Ministria e Kulturës së Shqipërisë përmes një postimi në Facebook, duke vlerësuar këtë njohje ndërkombëtare të trashëgimisë kulturore shqiptare.

“K’cimi i Tropojës përçon ritmet, emocionet dhe identitetin tonë kombëtar, tashmë i njohur në nivel global si një thesar kulturor” thuhet në njoftim.