Gjergj Kastrioti Skenderbeu Way iu dha Emri i Nderit nga Këshilli i Qytetit Worcester. Peticioni zbatohet për blloqet ngjitur në rrugën Salisbury, të cilat mund të kenë një shenjë të dytë këtë verë, pikërisht në kohën e Festivalit Shqiptar në fillim të Qershorit. Duke iu drejtuar mbledhjes së mbrëmshme të Këshillit në emër të Sons of St. Mary’s, një subjekt aktiv në komunitetin shqiptar prej 50 vitesh, presidenti i tij Frank Zdruli tha se “emërtimi i Skenderbeut, heroit kombëtar të Shqipërisë, i bën nder të gjithë shqiptarëve. ” Brenda sallës së mbledhjeve dhe lart në ballkone, ishin përfaqësues të Vatra Worcester-it, Bijtë e Shën Marisë dhe të rinj shqiptarë. Zdruli inkurajoi veçanërisht të rinjtë shqiptarë amerikanë që të frymëzohen dhe të përpiqen për postet më të larta të shërbimit publik.
Greg Steffon i The Son’s of St. Mary’s vuri theksin te efekti unifikues i një figure si Skenderbeu. Ngjashëm me gjeneratat e vjetra të Worcester-it që nderonin emrin Salisbury me origjinë anglo-walsh, “familjet shqiptare, përfshirë paraardhësit e mi që emigruan këtu në fillim të shekullit të 20-të, u bënë pjesë e strukturës së qytetit”, tha ai në fjalimin e mbledhjes së Këshillit. Me kalimin e viteve “e vjetra” u bë një rrjet dhe sistem mbështetës për valët e reja të emigrantëve shqiptarë, disa prej të cilëve erdhën pas luftës në Kosovë. Steffon theksoi se përcaktimi i emrit të figurës shumë të rëndësishme historike “nderon brezat e vjetër dhe të rinj të shqiptarëve”. Në fakt, dy këshilltaret e qytetit të Worcester-it, Donna M. Colorio dhe Ethel Haxhiaj, të cilët bashkërisht depozituan kërkesën për tabelën ceremoniale të rrugës pranë nëpunësit të qytetit Nikolin Vangjeli, e ilustrojnë në mënyrë adekuate këtë çështje. Këshilltarja Colorio me origjinë shqiptare dhe këshilltarja Haxhiaj e ardhur në qytet nga Shqipëria në vitin 1997 janë shembulli i arritjeve që janë bërë të mundura falë mbështetjes nga i gjithë komuniteti. Këshilltarë të tjerë miratuan peticionin duke e quajtur atë “një njohje të merituar për shqiptarët – komuniteti më i madh në rritje në Worcester”.
Pas përpjekjeve organizative të peticionit qëndron The Sons of St. Mary’s, një entitet aktiv në komunitetin Worcester për 50 vjet. Ndonëse pandemia vonoi disa nga projektet e tyre, ata janë të vendosur të rikthejnë Festivalin Shqiptar, një ngjarje e bollshme dhe një manifestim krenar i kulturës dhe trashëgimisë shqiptare. Këtë vit emërtimi ceremonial përkon me 555-vjetorin e vdekjes së heroit kombëtar të Shqipërisë Gjergj Kastrioti Skenderbeu (1405-1468) Prandaj është shumë e përshtatshme të kesh muzikë, ushqim, punime e shumë të tjera nën tabelën e rrugës me emrin e tij mbi të.
Si Zdruli ashtu edhe Steffon ia dolën të përmendnin përcaktimin e ri të Gjergj Kastrioti Skenderbeu Way si “e vetmja mënyrë për të gjetur Festivalin”.
Joseph Petty, kryebashkiaku i Worcester-it, i cili kryesoi mbledhjen e Këshillit Bashkiak, duke miratuar votën Po, tha se “shqiptarët janë një pjesë e madhe e historisë së Worcester-it dhe do të jenë pjesë e së ardhmes së tij”.
