Xhirimet po vazhdojnë për një seri të re televizive të titulluar “American Dream,” duke sjellë në ekran një histori emocionuese që ndërthur temat e familjes, dashurisë, sfidave sociale dhe kulturës.

Seriali do të xhirohet kryesisht në New York, me mundësinë e zgjerimit edhe në vende të tjera evropiane.

Ky projekt ambicioz synon të sjellë një përvojë unike për shikuesit dhe të pasqyrojë jetën dhe sfidat e shqiptarëve në diasporë.

“American Dream” ndjek jetët e personazheve që përballen me sfidën e ruajtjes së traditave në një botë moderne, ku dashuria, sakrifica dhe ndjekja e ëndrrave ndërthuren. Seriali synon të inspirojë dhe të lidhë shikuesit me histori të ndjera dhe të sinqerta që reflektojnë realitetin e shqiptarëve në diasporë dhe më gjerë.

Episodi i parë i serialit pritet të transmetohet së shpejti, duke u shfaqur si në televizion ashtu edhe në platforma online, duke e bërë atë të aksesueshëm për një audiencë të gjerë.

Seriali synon jo vetëm të argëtojë, por edhe të promovojë kulturën dhe identitetin shqiptar.

Krijuesi i këtij projekti është Valon Nikçi dhe ai nuk do të ishte realizuar pa sponsorin kryesor, kompaninë Link NY Realty, me Valon Nikçin në krye. Projekti ka gjetur gjithashtu mbështetje të madhe nga sponsorë të tjerë, duke përfshirë kompaninë Art+1 Inc, të drejtuar nga Artan Maksuti, Ari Group Inc, me Eduard Malushin dhe Sokol Malushagën, si dhe aktivistin e njohur Bruno Selimaj dhe Dr. Sylejman Çelaj.

Mbështetja e këtyre sponsorëve ka luajtur një rol kyç në nisjen dhe vazhdimësinë e projektit, duke treguar rëndësinë e bashkëpunimit dhe kontributit të komunitetit për të arritur qëllime të përbashkëta dhe për të promovuar vlerat shqiptare.

“American Dream” është prodhuar nga një ekip profesionistësh të njohur në industrinë e filmit dhe televizionit:

• Producent: Vlora Nikçi
• Skenaristë: Mike Bencivenga (i njohur për filmat e tij të suksesshëm “Happy Hour,” “Great Plains” dhe “Born in Flames” në Hollywood), Vlora Nikçi dhe Visare Aliu (në episodin e parë).
• Regjisorë: Armend Baloku dhe Vlora Nikçi
• Drejtor Fotografie (DOP): Adriatik Berdaku, fitues i dy çmimeve Emmy për punën e tij të shkëlqyer si kameraman.
• Kameraman: Dave Burdette
• Zëri: Luigi Porto
• Grim dhe estetikë: Kompania Beautybyboomie nga New York.