Disa prej yjeve botërore janë konfirmuar si pjesëmarrës në festivalin e muzikës “SunnyHill”, që do të mbahet në Prishtinë.

Skepta, AJ Tracey, Diplo dhe Elvana Gjata, Burak Yeter dhe Mahmood janë konfirmuar deri më tani si artistët pjesëmarrës në këtë festival, i cili do të mbahet më 4, 5, 6 dhe 7 gusht.

I njohur për stilin e tij unik, DJ Regard do të jetë gjithashtu njëri nga performuesit në këtë festival, që pritet të mbledhë njerëz nga e gjithë bota në kryeqytetin e Kosovës.

SunnyHill ka njoftuar gjithashtu se do të ketë edhe aristë të tjerë, emrat e të cilëve do t’i mësojmë më vonë.