Presidenti i Ukrainës Volodymyr Zelensky paralajmëroi se forcat ruse po përgatiten të bombardojnë qytetin jugor të Odesës.

Ka raportime për postblloqe të shumta ushtarake në qytet, por rrugët mbeten të qeta dhe kryesisht bosh.

Pothuajse një milion njerëz jetojnë në qytetin port historik në bregun e Detit të Zi. Odesa është afër kufirit moldav dhe rajonit separatist moldav të Transnistrisë, të mbështetur nga Rusia.

Forcat ruse kanë bërë përparim në Ukrainën jugore që nga pushtimi i tyre.

Mykhailo Shmushkovich, zyrtari i qytetit, përgjegjës për solidaritetin evropian, tha se më shumë se 100.000 njerëz ishin larguar tashmë nga Odesa.

Por ai tha se qyteti ishte “gati për të luftuar”.

“Mund të ndodhë në çdo moment. Nuk mund të jesh kurrë gati për këtë”, shtoi ai.