Një marrëveshje historike për të rifilluar eksportet e grurit të Ukrainës ka mbetur pezull pasi raketat goditën portin e Odesës.

Ministri i Infrastrukturës së Ukrainës, Oleksandr Kubrakov, tha se puna teknike për t’u përgatitur për dërgesat po vazhdonte pavarësisht shkeljes së dukshme.

Por presidenti Volodymr Zelensky tha se sulmi dëshmoi se Rusia do të gjente mënyra për të mos zbatuar marrëveshjen.

Sipas marrëveshjes së së premtes, Rusia ra dakord të mos synonte portet ndërsa dërgesat e grurit ishin në tranzit.

Në një postim në mediat sociale, qendra e komandës jugore të ushtrisë ukrainase tha se dy raketa Kalibr kishin goditur portin, ndërsa dy të tjera ishin rrëzuar nga sistemet e mbrojtjes ajrore.

Qeveria turke, e cila ndërmjetësoi marrëveshjen, tha se zyrtarët rusë e kishin mohuar përgjegjësinë.

“Në kontaktin tonë me Rusinë, rusët na thanë se nuk kishin asnjë lidhje me këtë sulm dhe se po e shqyrtonin çështjen nga afër dhe në detaje”, tha ministri i Mbrojtjes Hulusai Akar.

Të premten, zyrtarët nga Kievi dhe Moska nënshkruan një marrëveshje për të lejuar eksportimin e miliona tonëve drithë të bllokuar në Ukrainë.

Marrëveshja u përshëndet si një “fener shprese” nga OKB-ja pas muajsh luftimesh.

Marrëveshja – e cila u desh dy muaj për t’u arritur – do të zgjasë për 120 ditë, me një qendër koordinimi dhe monitorimi që do të krijohet në Stamboll, me staf nga zyrtarë të OKB-së, turq, rusë dhe ukrainas. Mund të rinovohet nëse të dyja palët bien dakord.