Britania planifikon të rihapë ambasadën e saj në kryeqytetin ukrainas të Kievit javën e ardhshme dhe po shikon përforcimin e aleatëve që dërguan armatime në Ukrainë, tha të premten kryeministri Boris Johnson.

Qeveria britanike njoftoi në shkurt, disa ditë përpara se Rusia të pushtonte Ukrainën, se ambasada e saj në Kiev po zhvendosej përkohësisht dhe stafi po operonte nga një zyrë diplomatike në qytetin e Lviv.

“Qëndrueshmëria e jashtëzakonshme dhe suksesi i presidentit (ukrainas) Zelenskiy dhe popullit ukrainas në rezistencën ndaj forcave ruse në Kiev, do të thotë se unë mund të njoftoj sot se së shpejti – javën e ardhshme – do të rihapim ambasadën tonë në kryeqytetin e Ukrainës”, tha Johnson një konferencë shtypi.