Presidenti i Ukrainës Volodymyr Zelensky do t’i drejtohet Kuvendit të Shqipërisë me një mesazh. Mediat shqiptare raportojnë se Zelensky do të përcjellë mesazhin e tij në seancën plenare të së martës.
Zelensky do t’i drejtohet disa parlamenteve, duke përfshirë edhe të Shqipërisë. Që nga fillimi i luftës, presidenti i Ukrainës u është drejtuar disa parlamenteve në mbarë botën, ku ka shprehur mirënjohjen për mbështetjen, duke kërkuar vazhdimisht ndihmë.
Ndërkohë, Shqipëria, një aleate e NATO-s, është pozicionuar në anën e aleatëve perëndimorë dhe ka dënuar agresionin ushtarak të Rusisë ndaj Ukrainës. Gjithashtu iu bashkua sanksioneve kundër Moskës.
