Presidenti rus Vladimir Putin ka pranuar se sanksionet e Perëndimit kanë “krijuar disa probleme dhe vështirësi” për Rusinë, por shtoi se “do t’i zgjidhim ato”, shkruan Sky News.

Duke folur sot, udhëheqësi rus tha se Perëndimi ka vendosur sanksione kundër Rusisë “pa marrë parasysh çfarë” dhe tha se vendi i tij do të ketë “rritje të pavarësisë dhe sovranitetit” në një afat të gjatë.

Që nga pushtimi i Ukrainës, Rusia ka kaluar Iranin për t’u bërë objektivi më i madh i sanksioneve globale, sipas të dhënave të reja.

Tani ka më shumë sanksione kundër Rusisë sesa kundër Iranit, Venezuelës, Mianmarit dhe Kubës së bashku, sipas Castellum.AI, një platformë përputhshmërie.