Për herë të parë në historinë e saj Shoqata e Policëve Shqiptare në NYPD do të drejtohet nga një grua. Lajmin e ka barë të ditur vetë shoqata nëpërmjet një njoftimi në Twitter:
“Urime Oficeres së Policisë.vJacqueline Marku është presidentja e parë femër e “Illyrian Society of Law Enforcement”. Oficerja Marku është një shqiptaro-amerikane e gjeneratës së parë me rrënjë në Kosovë si dhe një oficere policie e gjeneratës së parë” shkruhet në Twitterin e shoqatës të cilin e ka shpërndare edhe vetë Marku.
Rreth 20 vite më parë vetëm 20 shqiptaro-amerikanë ishin pjesë e policisë së Nju Jorkut, ndërsa tani janë më shumë se 250 oficerë të policisë me origjinë shqiptare, ka pohuar në një intervistë për “Diaspora Shqiptare” më herët ish kryetari i kësaj shoqate Ylli Dautaj.
Oficerët shqiptaro-amerikanë janë kryesisht të rinj e të reja, të lindur në SHBA ose të emigruar në dekadat e fundit.
Shoqata shqiptaro amerikane,”Illyrian” përveç atyre që kanë veshur uniformat blu, në polici NYPD, thuhet se ka anëtar të saj edhe shqiptar të Amerikës, që punojnë në FBI, policinë sekrete, marshallë, sherif e etj.
Congratulations to Police Officer
Jacqueline Marku on becoming the first female President of the #NYPD Illyrian Society. Officer Marku is a first generation Albanian-American with roots in #Kosovo as well as a first generation Police Officer.#womenshistorymonth #NYPD #Albanian pic.twitter.com/K8GL5W3Qqq— NYPD Illyrian Society (@IllyrianSociety) March 4, 2022
